投選十大最望佢執笠企業及機構

投選十大最望佢執笠企業及機構

亞視停播，數無良企業，還看香港。

前言

亞視今日終於停播，呢間企業自王征盛品儒領班，上演了一場又一場既謊謬又髮指既爛劇，香港人望都望佢執笠好耐。雖然來日亞視停而未執，但只不過是一頭活著媒體中的喪屍，唔死都無用。只可惜這類與民為敵之企業遇得報應，只是個別。

香港地企業無良，比比皆是。記得千禧年之時明報有一篇李超人尊訪，佢老人家發表＂强强越强＂理論。超人果然高瞻遠矚，２０００年後各大企業及機構搶得就搶，亳無道德可言。大營鏈鎖店幾乎開到你門口，小本經營只能拉閘，原來小康之家落得輪候關愛基金等接濟。中小企無計發展，業務無新，中青一輩想上游仿佛已成傳說。

千禧年至今各大企業機構掠奪日益猖獗。房署商場本是港人荷包補貼，卻賤賣俾外國基金成為領展，其暴行不用在此多花口水。各大地產商天價賣樓，土瓜灣舊區斜路一號吹到叫＂何文田半山一號＂，轉轉招牌就全部都係豪宅。一於地下當平台，二樓叫五樓。

企業暴行何止地產商，從前入住私家醫院只係掠你一份，之後以為可買保險抵銷。但一經醫生替你度身定做，條數係掠完保險個份之後，再掠埋你個份，掠夠兩份。方知醫療保險實為Double佢地營利工具，唔係用來未雨綢繆。

還有阿女畢業無野做，同我講為免香港失業率上升，支持政府做靚條數，要錢去讀副學士。佢呢個觀點雖然虛假卻大有支持，至少學術界瘋狂支持。副學士學院遍地開花，嶺南更超額完成，頓成佳話。不過，我同佢講：去國力書院買個學位仲實際。

腐敗風氣越吹越烈，近年已臻昇華。君不見大埔浸信會搞個阿ＮＩＣＫ講座，同枱盛惠一萬銀一位。還有甚麼ＢＩＤ出彩虹騙人入會，聖公會高價賣地唔交稅。咦！佢地全部都係神係既兒女喎。

其餘各行有樣學樣。圍標，合謀定價，不能儘錄。處處利刀，荷苞想唔穿都難（鳴煒哥你教我點月儲三千！）。平時無錢儲，政府最為體恤，特此２０００年幫我地搞個ＭＰＦ。但係Sorry喎！基金經理袋咗你大半份，我地積金局管唔到個喎。

基實呢班圍威喂既公職人員，核心思想係開位互益自己友，早就唔應該信。這類圍威喂温床，如旅發局，生產力促進局等絕不亞於積金局。

以上總之一句：你有幾多血汗錢，我就有幾無恥！

香港人谷住到氣，其實上街動差佬都無用，差佬都係打工啫。試問能有幾多人民英雄拿刀上有線，直搗罪惡根源。

無奈，小弟只好搞個投選最望佢執笠企業及機構以作發洩。
搞成香港咁，學蘇錦樑話齋：＂認住呢班人，一個一個咁認住（企業）！＂　

進入連結投票：投選十大最望佢執笠企業及機構